App sem breytir húðlit gagnrýnt

Faceapp breytir ekki aðeins andlitsfalli fólks, s.s. nefi og kynbeinum, …
Faceapp breytir ekki aðeins andlitsfalli fólks, s.s. nefi og kynbeinum, heldur einnig húðlit.

Skapari apps sem breytir sjálfsmyndum fólks með því að nota gervigreind, hefur beðist afsökunar á að ein sían, sem merkt er „hot“, lýsi húðlit fólks.

FaceApp er kynnt til sögunnar sem forrit sem notar gervigreind til að breyta andlitsdráttum, bæta við brosin eða lætur viðkomandi líta út fyrir að virðast yngri eða eldri. Ýmis slík forrit eru til og njóta vinsælda. Það gerir FaceApp líka en notendurnir tóku fljótt eftir því að með því að smella á síu sem merkt er „heit“ fölnar húðlitur viðkomandi svo um munar. 

Í frétt Guardian um málið segir að skapari appsins og forstjóri FaceApp, Yaroslav Goncharov, hafi nú beðist afsökunar á síunni og skellir skuldinni á gervigreind forritsins. Forstjórinn segir málið alvarlegt og um sé að ræða aukaverkun frá stýrikerfinu sem styðjist við gervigreind.

Sían er enn aðgengileg í appinu en er nú kölluð „spark“ eða „neisti“ í stað „hot“.

Goncharov hefur sagt að FaceApp sé öðruvísi en öll önnur forrit sem fólk notar til að breyta myndum (aðallega af sjálfu sér). Hann segir að appið styðjist við sérhannaða tækni sem breyti sjálfri myndinni. 

Flestir nota forritin sér til gamans, m.a. til að virðast yngri eða eldri eða af öðru kyni. Appið varð aðgengilegt í snjallsímum snemma á þessu ári og hefur notið mikilla vinsælda síðustu vikur.

mbl.is
Fleira áhugavert
Fleira áhugavert