Margrét Lára Viðarsdóttir, markahæsti leikmaður íslenska landsliðsins í knattspyrnu kvenna frá upphafi, neyðist til þess að fylgjast með liðsfélögum sínum í landsliðinu af hliðarlínunni í lokakeppni EM í Hollandi þar sem hún sleit krossband í hné með félagsliði sínu, Val, í leik gegn Haukum fyrr í sumar. Margrét Lára ræddi við mbl.is um þær tilfinningar sem bærast um í brjósti hennar þessa stundina á meðan lokakeppni EM stendur yfir.