Framboðslisti Samfylkingarinnar í Reykjavík samþykktur: "Fjölbreyttur hópur með mismunandi bakgrunn"

„Ég er feikilega ánægður með listann. Ég held að hann sé mjög sigurstranglegur vegna þess að hann er breiður eins og borgarsamfélagið," segir Dagur B. Eggertsson, borgarstjóraefni Samfylkingarinnar, um framboðslista flokksins fyrir komandi borgarstjórnarkosningar.

10 efstu sætin óbreytt

Listinn var samþykktur á fundi fulltrúaráðs flokksins í Iðusölum í Reykjavík í gærkvöldi og eru tíu efstu sætin óbreytt frá úrslitum prófkjörs hans. Þrjátíu manns skipa listann; fimmtán konur og fimmtán karlar.

„Ég held að það þurfi fjölbreyttan hóp sem er tilbúinn að rökræða sig niður á skynsamlega niðurstöðu í hverju máli til þess að stýra borg þannig að vel fari og Samfylkingin er það. Ég held við förum allan skalann, í aldri, kynjum og hverfum og síðast en ekki síst höfum við mismunandi bakgrunn úr atvinnulífinu og lífinu sjálfu."

1. Dagur B. Eggertsson, borgarfulltrúi
2. Steinunn Valdís Óskarsdóttir, borgarstjóri
3. Stefán Jón Hafstein, borgarfulltrúi
4. Björk Vilhelmsdóttir, borgarfulltrúi
5. Oddný Sturludóttir, rithöfundur og píanókennari
6. Sigrún Elsa Smáradóttir, markaðsstjóri og varaborgarfulltrúi
7. Dofri Hermannsson, meistaranemi í hagvísindum
8. Stefán Jóhann Stefánsson, hagfræðingur
9. Stefán Benediktsson, arkitekt
10. Guðrún Erla Geirsdóttir, kennari og myndhöfundur
11. Kjartan Valgarðsson, markaðsstjóri
12. Bryndís Ísfold Hlöðversdóttir, verslunareigandi og hönnuður
13. Felix Bergson, leikari
14. Falasteen Abu Libdeh, skrifstofustúlka
15. Þorbjörn Guðmundsson, framkvæmdastjóri Samiðnar
16. Heiða Björg Pálmadóttir, lögfræðingur
17. Gunnar H. Gunnarsson, deildarverkfræðingur
18. Andrés Jónsson, formaður ungra jafnaðarmanna
19. Ragnhildur Sigríður Eggertsdóttir, stuðningsfulltrúi og háskólanemi
20. Ingimundur Sveinn Pétursson, formaður Félags einstæðra foreldra
21. Guðrún B. le Sage de Fontenay, háskólanemi
22. Jóhanna S. Eyjólfsdóttir, skrifstofustjóri
23. Tryggvi Þórhallsson, rafverktaki
24. Margrét Baldursdóttir, tölvunarfræðingur
25. Einar Kárason rithöfundur
26. Hulda Ólafsdóttir, framkvæmdastjóri
27. Halldór Gunnarsson, fyrrv. form. Þroskahjálpar
28. Adda Bára Sigfúsdóttir, fyrrverandi borgarfulltrúi
29. Björgvin E. Guðmundsson, fyrrverandi borgarfulltrúi
30. Ingibjörg Sólrún Gísladóttir, formaður Samfylkingarinnar.