Lægðabrautin liggur yfir landið í dag og næstu daga og er áframhaldandi vætutíð í kortunum, samkvæmt spá Veðurstofunnar.
Suðvestanátt og sunnan 5-13 m/s er spáð í dag en búast má við hvassari vindi við suðausturströndina fram eftir degi.
Þá léttir til norðaustanlands síðar í dag en bætir heldur í úrkomu á öðrum landshlutum í kvöld.
Viðvarandi lægðagangur viðheldur breytilegri vindátt og úrkomusömu veðri. Um miðja viku er síðan útlit fyrir norðlæga átt og kólnandi veður, einkum um landið norðanvert.