Mannanafnanefnd hefur heimilað umsækjanda notkun millinafnsins Haveland þótt nafnið uppfylli ekki öll skilyrði laga um mannanöfn, þar sem það er ekki dregið af íslenskum orðstofni.
Í úrskurði nefndarinnar frá 22. júní segir að undanþágan byggist á óáfrýjuðum dómi Héraðsdóms Reykjavíkur í sambærilegu máli frá 2015.
Dómurinn taldi að ekki bæri að skýra viðeigandi ákvæði mannanafnalaga samkvæmt orðanna hljóðan heldur beita rýmri skýringu til samræmis við ákvæði um friðhelgi einkalífs í stjórnarskrá og mannréttindasáttmála Evrópu, að því er fram kemur í umfjöllun um mál þetta í Morgunblaðinu í dag.