Björgunarsveitin Sæbjörg hefur efnt til söfnunar á meðal Flateyringa vegna hamfaranna í Grænlandi. Flateyringar vilja endurgjalda þann stuðning sem Grænlendingar sýndu þeim í kjölfar snjóflóðsins árið 1995.

„Það var það sem dreif okkur af stað alla vega“, segir Ívar Kristjánsson, liðsmaður björgunarsveitarinnar, í samtali við mbl.is. Söfnunin var auglýst á Facebook-síðu Sæbjargar í gærkvöldi en heildarupphæðin verður svo afhent landssöfnuninni „Vinátta í verki“ á sunnudag klukkan 15:00.

„Við viljum ná til allra Flateyringa, hvar sem þeir eru á landinu eða í heiminum,“ segir Ívar og bætir við að öllum sé frjálst að leggja sitt af mörkum. Björgunarsveitin vill með þessu vekja athygli á atburðinum. „Við fengum hjálp þegar við þurftum á að halda og viljum að Grænlendingar njóti okkar stuðnings líka,“ segir Ívar að lokum.

Tengdar fréttir

Jarðskjálfti og flóðbylgja á Grænlandi

Styrkja grænlenskt flóttafólk

• Úthlutaði um 40 milljónum á hamfarasvæðum á Grænlandi
• Öldurnar allt að 90 metra háar
• Veitir aðstoð á Grænlandi
• Flateyringar söfnuðu hálfri milljón

» Fleiri tengdar fréttir

• Blogga um frétt