Hektarinn seldur á 2,5 milljónir í stað 20 milljóna
Setja bókamerki
Sigurður Ingi Jóhannsson, þingmaður Framsóknarflokksins og fyrrverandi forsætisráðherra, hefur óskað eftir sérstakri umræðu við Benedikt Jóhannesson fjármálaráðherra um söluna á Vífilsstaðalandi til Garðabæjar.
Sigurður Ingi vísar í frétt á vef mbl.is frá árinu 2002, þar sem greint er frá því að félagið Árakrar og Byggingarfélagið Arnarnes hefðu undirritað samning um kaup byggingarfyrirtækjanna á eignarlóðum undir 275 íbúðir í landi Arnarness í Garðabæ.
Fram kom í fréttinni að kaupverð lóðanna væri 455 milljónir króna.
Í færslu á Facebook segir Sigurður Ingi, að á þessum tíma hafi verð á hektara verið um 10 milljónir króna. Á núvirði sé það rúmlega 20 milljónir króna.
/frimg/9/59/959168.jpg)
„Nú gera þeir Engeyjarfrændur samning við Garðabæinn sinn um sölu á ca. 2,5 milljónir hektarann,“ skrifar Sigurður Ingi.
Hann segir enn fremur, að það sé órætt í þinginu hvort ekki væri skynsamlegt að halda eftir lóð undir nýtt þjóðarsjúkrahús. „Enn og aftur finnst fjármálaráðherra þingið bara vera fyrir – en ekki sjálfsagður vettvangur fyrir skoðanaskipti og grundvöll ákvarðanatöku,“ skrifar Sigurður Ingi.
Ný staða uppi og óvissan meiri
Sárt að horfa upp á illa meðferð fjármuna
Hyggjast leyfa fólki að skoða gosið
Gerir ráð fyrir 150 samningum í næstu viku
Aðkoman í gripahúsið mjög slæm
Bjarkey stendur við skammarbréf Svandísar
Hafa „ágætis tíma“ til úrbóta
Hægagangur og vaxandi ókyrrð