Verkfallsboðun starfsmanna ríkisins hjá SFR, stéttarfélagi í almannaþjónustu, og Sjúkraliðafélagi Íslands hafa verið samþykkt. Þetta kemur fram á heimasíðu SFR. Aðgerðirnar voru samþykktar með 85,15% atkvæða hjá SFR félögum og 90,9% hjá sjúkraliðum. Alls tóku 63,81% félagsmanna SFR þátt í atkvæðagreiðslunni og 69,8% hjá Sjúkraliðafélaginu.

Verkfallsaðgerðir munu hefjast 15. október ef ekki hefur samist fyrir þann tíma. Á heimasíðu SFR kemur fram að enginn fundur hafi verið boðaður í kjaradeilunni. Góð þátttaka var hjá báðum félögum eins og tölurnar sýna og afstaða félagsmanna afgerandi. „Framundan eru verkföll,“ segir á heimasíðunni.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir

• Blogga um frétt