Flugvélaframleiðandinn Airbus hefur varað við því að félagið gæti yfirgefið Bretland ef landið gengur úr innri markaði Evrópusambandsins og tollabandalagi án þess að gera útgöngusamning. BBC greinir frá.

Í áhættumati sem Airbus gerði vegna Brexit og var birt í gær kemur fram að ef Bretland gengur bæði úr innri markaði sambandsins og tollabandalagi á sama tíma án þess að gera ráðstafanir þá myndi það „leiða til verulegrar röskunar og truflunar á framleiðslu félagsins í Bretlandi“ og að sú atburðarás myndi „neyða Airbus til að endurskoða fjárfestingar sínar og lengri tíma dvöl fyrirtækisins í Bretlandi“.

Airbus segir viðvörunina ekki vera hræðslutaktík heldur raunverulegan möguleika. Fjórtan þúsund manns starfa hjá flugvélaframleiðandanum í Bretlandi.

Therese May, forsætisráðherra Bretlands, hefur útilokað að Bretland verði áfram í tollabandalagi við Evrópusambandið og gengur formlega úr því 29. mars 2019. Ríkisstjórn Bretlands skoðar nú aðrar lausnir sem gætu auðveldað viðskipti milli Bretlands og þjóða innan Evrópusambandsins í kjölfar útgöngu Bretlands úr tollabandalaginu.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt