Utanríkisráðherra Norður-Kóreu segir ræðu Donald Trump, forseta Bandaríkjanna, sem hann flutti á allsherjarþingi Sameinuðu þjóðanna í vikunni, aðeins hafa verið hundsgjamm. BBC greinir frá.

Trump sagði í ræðu sinni að Bandaríkin væru tilbúin að „gereyða“ Norður-Kóreu ef til þess kæmi að Bandaríkin þyrftu að verja sig eða bandamenn sína. En stjórnvöld í Norður-Kóreu hafa haldið áfram að þróa kjarnorkuáætlun sína, og ögrað með eldflaugaskotum, þrátt fyrir hertar refsiaðgerðir sem samþykktar voru í öryggisráði Sameinuðu þjóðanna. Þá kallaði Trump Kim Jong-un eldflaugamanninn, eða Rocket Man.

Frétt af mbl.is

Bandaríkin tilbúin að „gereyða“ N-Kóreu

Ri Yong-ho, utanríkisráðherra Norður-Kóreu, ræddi við blaðamenn fyrir utan höfuðstöðvar Sameinuðu þjóðanna, eftir ræðu Trump. Hann sagði væri til orðatiltæki sem ætti við í hans tilfelli: „Jafnvel þó að hundurinn gelti, þá heldur skrúðgangan áfram.“

„Ef Trump ætlaði að koma okkur á óvart með gelti sínu þá lifir hann klárlega í draumaheimi,“ sagði Ri jafnframt.

Tengdar fréttir

Norður-Kórea

Zhao heimsækir Norður-Kóreu

• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu
• N-Kórea skaut í átt að suðurkóreskum eyjum

» Fleiri tengdar fréttir

• Blogga um frétt