Lögregla var kölluð til í Sjanghæ í Kína í dag eftir að 80 ára gömul kona kastaði smápeningum í hreyfil flugvélar China Southern Airlines. Aðeins ein mynt af níu lenti inni í hreyflinum en það reyndist nóg; rýma þurfti vélina og fresta fluginu.
150 farþegar voru um borð.
Konan sagði í samtali við lögreglu að hún hefði kastað smápeningunum til að kalla gæfu yfir flugið og farið með litla bæn í leiðinni. Hún var á ferð með eiginmanni sínum, dóttur og tengdasyni og var færð til yfirheyslu.
Samkvæmt yfirlýsingu China Southern Airlines var umræddur hreyfill yfirfarinn vandlega áður en vélin fór í loftið á Pudong-alþjóðaflugvellinum fimm tímum síðar.
Atvikið vakti nokkra athygli á samfélagsmiðlinum Weibo, þar sem einn notenda sagði: „Amma, þetta er ekki óskabrunnur með skjaldbökum.“
China Southern Flight 380 was delayed at Shanghai Pudong Int'l Airport on Tues after an elderly woman threw coins into the engine for luck.. pic.twitter.com/wSSWJg9bcE
— Flight (@flightorg) June 27, 2017