Erlent | mbl | 26.5.2017 | 23:34 | Uppfært 27.5.2017 11:50

Eiginmaður ráðherra eini herrann

Myndum af Gauthier Destenay ásamt eiginkonum þjóðarleiðtoga hefur verið deilt …
Myndum af Gauthier Destenay ásamt eiginkonum þjóðarleiðtoga hefur verið deilt víða um netheima, og hafa fjölmargir fagnað fjölbreytileikanum. AFP

Á meðan þjóðarleiðtogar sátu fund Atlantshafsbandalagsins (NATO) í Brussel í gær komu makar þeirra saman í myndatöku. Eini herramaðurinn á myndinni, Gauthier Destenay, hefur vakið heimsathygli en hann er eiginmaður Xavier Bettel, forsætisráðherra Lúxemborgar. Hefur fjöldi fólks fagnað fjölbreytileikanum á samfélagsmiðlum. 

Destenay er þekktur sem „fyrsti herramaður“ (e. The First Gentleman) Lúxemborgar en þeir Bettel giftu sig árið 2015 þegar samkynja hjónabönd voru lögleidd í landinu. Er Bettel eini opinberlega samkynhneigði þjóðarleiðtogi heims í dag. Aðeins hafa tveir aðrir forsætisráðherrar verið opinberlega samkynhneigðir en það eru Jóhanna Sigurðardóttir, fyrrverandi forsætisráðherra Íslands, og Elio Di Rupo, fyrrverandi forsætisráðherra Belgíu. 

Gauthier Destenay er eiginmaður Xavier Bettel, forsætisráðherra Lúxemborgar.
Gauthier Destenay er eiginmaður Xavier Bettel, forsætisráðherra Lúxemborgar. AFP

Af myndum að dæma virðist Destenay vera alsæll í félagsskap eiginkvenna þjóðarleiðtoganna sem sátu fundinn.

Bettel hefur aldrei farið leynt með kynhneigð sína og í kosningabaráttunni árið 2013 sagðist hann ekki hafa áhuga á neinum feluleik. „Fólk kaus mig ekki út af kynhneigðinni minni,“ sagði hann.

mbl.is

Nýjast á mbl.is »

Morgunblaðið Umræðan
Lilja Dögg Alfreðsdóttir
Lýðræði í verki í yfir heila öld
Sigmar Guðmundsson
Yfirdrátturinn, hliðarveruleikinn og strútarnir
Meira í Umræðunni »
Fleira áhugavert
Baldur: „Ég ætla að svara þessu kalli“ Áverkar bentu til manndráps Átta morðmál á aðeins tólf mánuðum Íslendingar ein mest einmana þjóð heims

Nýjast á mbl.is »

Morgunblaðið Umræðan
Lilja Dögg Alfreðsdóttir
Lýðræði í verki í yfir heila öld
Sigmar Guðmundsson
Yfirdrátturinn, hliðarveruleikinn og strútarnir
Meira í Umræðunni »
Fleira áhugavert
Myndskeið: „Fólk var komið ískyggilega nálægt“ Lögreglan rannsakar andlát konu í fjölbýlishúsi „Þetta er pínu óvanaleg staða“ Mest spennandi kosningar í áratugi