Skelkaðir farþegar hlupu frá borði lítillar flugvélar sem misst hafði hjól og varð að nauðlenda á flugvelli í Sarasota í Flórída. Vélin hafði misst hjólið í flugtaki í Belís.
Er hún lenti mátti sjá eldglæringar og neista koma frá lendingarbúnaðinum er hann straukst hjóllaus eftir flugbrautinni.
Fjórir voru um borð í vélinni. Engan sakaði. Verið er að rannsaka hvernig á því stóð að hjólið datt undan í flugtakinu.