Trump minntist ekki á hlýnun jarðar
Setja bókamerki
Donald Trump Bandaríkjaforseti hefur verið gagnrýndur fyrir að minnast ekki á hlýnun jarðar í yfirlýsingu sinni vegna dags jarðarinnar sem var haldinn í gær.
Þrátt fyrir að deginum, sem var haldinn í 47. sinn, sé ætlað að vekja fólk til umhugsunar um loftslagsbreytingar og þá ógn sem jörðinni stafar af þeim, minntist Trump hvergi á hlýnun jarðar í yfirlýsingu sinni.
Síðustu forsetar Bandaríkjanna hafa talað um hlýnun jarðar í sams konar yfirlýsingum vegna dags jarðarinnar. George W. Bush, sem er repúblikani eins og Trump, lagði áherslu á mikilvægi þess að takast á við hlýnun jarðar í sinni yfirlýsingu og Barack Obama minntist á hlýnun jarðar fimm sinnum í sinni yfirlýsingu á síðasta ári, samkvæmt frétt Independent.
Trump reyndi að verja umhverfisáætlanir stjórnar sinnar og sagði í yfirlýsingunni: „Nákvæm vísindi eru nauðsynleg til að ríkisstjórnin geti náð markmiðum sínum í efnahagslegum vexti og verndun umhverfisins.“
Forsetinn undirritaði í síðasta mánuði tilskipun um að afnema lög sem Obama setti um að takast á við hlýnun jarðar.
„Ríkisstjórn mín fylgist með framsæknum vísindarannsóknum sem leiða til betri skilnings á umhverfinu okkar og þeirri hættu sem steðjar að umhverfinu,“ sagði í yfirlýsingu Trump í gær.
Þúsundir vísindamanna og stuðningsmanna þeirra fóru í mótmælagöngur í gær þar sem stefna Bandaríkjastjórnar í umhverfismálum var gagnrýnd. Vildu þeir meina að Trump og hans aðstoðarmenn væru að hafna vísindum með ákvörðunum sínum.
Hér á landi var einnig haldin vísindaganga og tóku fjölmargir þátt í henni.
Stórbruni í Kaupmannahöfn: Børsen í ljósum logum
Ráðherra um árshátíðina: „Hljómar frekar hátt“
Myndir: Stórbruni í Kaupmannahöfn
Gleymir seint deginum sem skriðurnar féllu
Hafa náð tökum á eldinum
„Eins og ef Alþingishúsið brynni hér“
Með skerta aksturshæfni og undir slævandi áhrifum
Mánuður frá gosi: Lengsta gosið frá 2021