Avatar: They Way of Water er orðin fjórða vinsælasta myndin frá upphafi í kvikmyndahúsum heimsins.
Myndin hefur verið sú vinsælasta í kvikmyndahúsum í Bandaríkjunum sjö vikur í röð og nú um helgina halaði hún inn nærri 16 milljónum dollara í miðasölunni.
Á heildina litið hefur miðasala í kvikmyndahúsum um heim allan skilað 2,1 milljarði dollara eða um 300 milljörðum íslenskra króna. Myndin nýtur til að mynda mikilla vinsælda í Kína.
Fyrri Avatar myndin sem kom út árið 2009 er sú mynd sem hefur skilað mestum tekjum í miðasölu á heimsvísu. Þá kemur Avengers: Endgame, Titanic og nú Avatar: The Way of Water.
Athyglisvert er að leikstjórinn James Cameron kemur við sögu í þremur þessara fjögurra mynda.