Tildrög slyssins gerð ljós

Bandaríski leikarinn Jeremy Renner var að reyna að koma í veg fyrir að snjóruðningstæki rynni og lenti á frænda hans þegar hann féll af tækinu og varð undir því. Þetta kemur fram í skýrslu lögreglunnar í Washoe-sýslu um slysið. CNN greinir frá. 

Renner var fluttur alvarlega slasaður á sjúkrahús með þyrlu á fyrsta degi ársins 2023.

Í skýrslunni kemur fram að handbremsan hafi ekki verið virk, en hún hefði getað komið í veg fyrir að tækið rynni til hliðar. Reyndi Renner að stöðva tækið áður en hann stökk út úr því á ferð.

Bremsuljósið inni í tækinu sýndi að það var bilað og því er dregin sú ályktun að bilunin hafi að hluta til valdið því að slysið varð.

Frændi Renners gat hlúð að honum þar til hjálpin barst og Renner var fluttur á sjúkrahús. Hann lá inni í meira en tvær vikur og fór í að minnsta kosti tvær aðgerðir.

• Blogga um frétt