Bandaríska fjölmiðlakonan Katie Couric greindist með brjóstakrabbamein í sumar. Hún opnaði sig um greininguna í pistli á dögunum á sama tíma og hún hvatti konur til þess að drífa sig í skimun fyrir brjóstakrabbameini. 

Couric er vinsæl sjónvarpskona í Bandaríkjunum og stjórnaði meðal annars þáttunum Today. 

„Ég hvet ykkur til að fara í reglubundna skimun. Ég fór hálfu ári of seint í þetta skiptið og hrylli mig við þeirri tilhugsun ef ég hefði frestað þessu lengur. Það er líka mjög mikilvægt að komast að því hvort maður þurfi að fara í aukið eftirlit,“ skrifaði Couric í færslu á vefsíðu sinni. 

Couric missti fyrsta eiginmann sinn árið 1998 úr ristilkrabbameini sama árið og foreldrar hennar fengu krabbamein. 

Fjölmiðlakonan var heppin að því leyti að meinið var enn á forstigi þegar það fannst. Það var fjarlægt í skurðaðgerð í júlí síðastliðnum og var hún heppin að þurfa ekki að fara í lyfjameðferð í kjölfarið. Hún þurfti hins vegar að fara geislameðferð nú í september og lauk henni á þriðjudag. 

Couric opnaði sig um krabbameinsgreininguna núna vegna árveknisátaks um brjóstakrabbamein sem hefst í október og fer fram víða um heim, meðal annars hér á Íslandi. 

Frétt af mbl.is

„Þetta stendur manni ansi nærri“

Tengdar fréttir

Bleika slaufan

Bleika slaufan sló í gegn

• Orri og Helga afhentu 6,3 milljónir króna
• Bleiki dagurinn er á morgun
• Kamilla og Júlía mættu með mömmu
• „Þetta stendur manni ansi nærri“

» Fleiri tengdar fréttir

• Blogga um frétt