Leikarinn Robert Cormier er látinn 33 ára að aldri. Cormier fór með hlutverk í kanadísku þáttunum Heartland um árabil og einnig í Netflix-þáttunum Slasher: Solstice.
Cormier lést hinn 23. september síðastliðinn. Lést hann á sjúkrahúsi í Etobicoke í Ontario eftir að hafa hlotið alvarlega áverka í falli.
Cormier fór með hlutverk Finns í síðustu tveimur þáttaröðum af Heartland en alls hafa verið gerðar 15 seríur. Leikarans var minnst á Twitter-síðu þáttanna.
„Hann var yndislegur hluti af Heartland undanfarnar tvær seríur. Hugur okkar er hjá honum og fjölskyldu hans á þessum erfiðu tímum,“ segir í tístinu.
We are deeply saddened to learn of the passing of Robert Cormier. He was a beloved member of the Heartland cast the last two seasons. On behalf of the Heartland cast and crew, our thoughts are with him and his family during this difficult time.
— Heartland (@HeartlandOnCBC) September 27, 2022