Leikkonan Louise Fletcher er látin, 88 ára að aldri. Hún var þekktust fyrir hlutverk sitt í kvikmyndinni One Flew over the Cuckoo‘s nest, þar sem hún lék hjúkrunarfræðinginn Ratched. Hlaut hún Óskarsverðlaun fyrir.

Fletcher lést á heimili sínu í Frakklandi, að því er fram kemur í frétt BBC.

Hún starfaði sem leikkona í yfir sextíu ár, en ferill hennar hófst á sjötta áratugnum.  Þá fór hún með fast hlutverk í sjónvarpsþáttunum Star Trek, og var tilnefnd til Emmy verðlauna fyrir aukahlutverk í Picket Fences og Joan of Arcadia.

Bandaríska leikkonan Marlee Matlin, sem er jafnframt heyrnalaus, minntist Fletcher á twitter og vakti athygli á því að Fletcher hafi verið fyrst til þess að túlka eigin þakkarræðu á Óskarsverðlaunaafhendingu, með táknmáli.  

Tengdar fréttir

Stjörnufréttir

Lét halda á sér milli staða til að skíta ekki út skóna

• Sambandi ofurparsins líkt við High School Musical-ævintýri
• Bradley Cooper tárvotur á TikTok
• Neistinn slokknaður eftir sex mánaða stormasamt samband
• Kærir fyrrverandi vinnuveitanda fyrir kynferðislega áreitni

» Fleiri tengdar fréttir

• Blogga um frétt