Tónlistarmaðurinn Finneas er yfir sig ástfanginn af kærustu sinni, Youtube-stjörnunni Claudia Sulewski. Hann birti á dögunum fallega færslu á Instagram-reikningi sínum á fjögurra ára sambandsafmæli þeirra sem hefur vakið mikla athygli, enda er Finneas gríðarlega listrænn og þykir færslan helst líkjast fögru ástarljóði. 

Skaust upp á stjörnuhimininn með systur sinni

Finneas er bróðir stórstjörnunnar Billie Eilish og hefur samið 117 af lögum hennar, en hann hefur einnig unnið með stjörnum á borð við Justin Bieber, Selena Gomez og Camila Cabello. Það er því ljóst að hann er mikill listamaður og óhætt að segja að það endurspeglist í fallegum orðum sem hann skrifaði til kærustu sinnar. 

„Þú þyrftir að leita um allan heiminn til að reyna að finna einhvern jafn hæfileikaríkan, skapandi og vinnusaman og þú ert, ástin mín. Þá þyrftir þú að gera það í annað sinn til að reyna að finna einhvern sem er eins góður, hugulsamur og gjafmildur. Í þriðja sinn til að finna einhvern jafn fyndinn, í fjórða sinn til að finna einhvern jafn ástríkan og í fimma sinn til að finna einhvern jafn fallegan,“ skrifaði Finneas við myndina. 

Tengdar fréttir

Ást í Hollywood

Komin aftur í fang fyrrverandi unnusta síns

• Deilurnar halda áfram
• Eru heitustu hjónin í Hollywood að skilja?
• Wilson nafngreinir fyrsta bólfélaga sinn
• Shakira féll fyrir kunningja Rúriks

» Fleiri tengdar fréttir

• Blogga um frétt