Leikkonan Millie Bobby Brown mætti með kærastann sinn, Jake Bongiovi, á frumsýningu nýjustu þáttaraðarinnar af Stranger Things um helgina. Kærustuparið leit út fyrir að vera ástfangið á rauða dreglinum í New York.
Brown er aðeins 18 ára og stjörnusonurinn Bongiovi er tvítugur. Parið hefur verið saman í um það bil ár. Þau virðast ansi samstillt og mættu í stíl á rauða dregilinn. Leikkonan Brown var í hvítum og svörtum síðkjól og sonur tónlistarmannsins Jon Bon Jovi var einnig í sínu allra fínasta.
Fyrri hluti fjórðu þáttar af Stranger Things fer í loftið á Netflix í lok maí. Margar stórstjörnur voru mættar á frumsýninguna og ásamt kærustuparinu unga.