Simon Cowell mun ganga í það heilaga í næsta mánuði með kærustu sinni til margra ára Laura Silverman. Talið er nokkuð öruggt að bróðir hans muni ekki mæta í brúðkaupið.

Cowell hefur áður sagst hafa óbeit á brúðkaupum og stórum mannamótum. Í viðtali á dögunum sagðist hann ekki nenna veseninu sem fylgir því að vera með brúðkaupsskipuleggjanda og ætlar því að undirbúa eigið brúðkaup sjálfur. Það þykir næsta víst að bróðir hans mun ekki mæta í brúðkaupið en þeir urðu miklir óvinir fyrir nokkrum árum og ekki er um heilt gróið.

Brúðkaupið verður fámennt og aðeins nánir vinir og ættingjar. Átta ára sonur brúðhjónanna verður þarna fremstur í flokki sem og sonur brúðarinnar frá fyrra sambandi. Þá mæta hálfsystki Cowells sem eru þrjú en albróðir hans Nick verður fjarri góðu gamni.

Þeir bræður voru eitt sinn afar nánir og fóru reglulega saman í frí áður en upp úr slitnaði fyrir nokkrum árum og þeir töluðust ekki við í fleiri ár. Ekki er vitað afhverju. Eitthvað virðist verða að rofa til í samskiptum þeirra en betur má ef duga skal. Margir eru vissir um að hann mæti ekki í brúðkaupið, sé honum yfirhöfuð boðið.

Tengdar fréttir

Ást í Hollywood

Swift slær Spotify-met

• Komin aftur í fang fyrrverandi unnusta síns
• Deilurnar halda áfram
• Eru heitustu hjónin í Hollywood að skilja?
• Wilson nafngreinir fyrsta bólfélaga sinn

» Fleiri tengdar fréttir

• Blogga um frétt