Sonja Sif Þórólfsdóttir
skrifar frá Tórínó
Sigga, Beta og Elín voru ekki klæddar í sín hefðbundnu sviðsföt á síðasta rennsli fyrir keppni í dag. Sveipuðu þær sig transfánanum og klæddust bolum með friðarmerkinu í litum transfánans.
Rúnar Freyr Gíslason, fjölmiðlafulltrúi íslenska hópsins, segir að þær muni klæðast sínum hefðbundu búningum á sviðinu í kvöld.
Í gegnum keppnina hafa Systur vakið athygli á málefnum transbarna, en Sigga er sjálf móðir transbarns. Þær hafa einnig vakið athygli á stríðinu í Úkraínu og barist fyrir friði.