Yfir 50.000 gestir á Níu líf

Um helgina er von á fimmtíuþúsundasta gestinum á stórsöngleikinn Níu líf í Borgarleikhúsinu og hundraðasta sýningin verður sýnd í byrjun júní. Ekkert lát er á vinsældum Níu lífa enda er uppselt á allar sýningar þessa leikárs og eru sýningar haustsins komnar í sölu.

Vinsældir sýningarinnar, sem fjallar um ævi Bubba Morthens, koma ef til vill ekki á óvart enda er Bubbi einskonar þjóðareign okkar Íslendinga og allir hafa skoðun á honum og tónlistinni hans. 

„Þetta hefði svo auðveld­lega getað farið illa. Þetta hljómaði eins og ansi hæp­in hug­mynd þegar hún var kynnt: að búa til söng­leik byggðan á ævi og tónlist Bubba Mort­hens,“ svona hófst leikdómur Þorgeirs Tryggvasonar í Morgunblaðinu. Hann komst að þeirri niðurstöðu að þetta fór alls ekki illa, í rauninni bara nokkuð vel og gaf uppfærslunni fimm stjörnur. 

Frétt af mbl.is

Lítill drengur gleymdi sér

• Blogga um frétt