Breski tónlistarmaðurinn Roger Waters er giftur maður enn á ný. Waters gekk að eiga Kamiluh Chavis en þau trúlofuðu sig í ágúst síðastliðnum. Þetta er fimmta eiginkona hins 78 ára gamla Waters sem er hvað þekktastur fyrir að hafa verið einn af stofnmeðlimum rokksveitarinnar Pink Floyd.
Waters greindi frá gleðifréttunum á samfélagsmiðlum og birti myndir frá brúðkaupinu. Brúðkaupið fór fram á heimili Waters í Bridgehampton í New York í Bandaríkjunum.
Waters og Chavis hafa verið saman í nokkur ár en hann sagði frá því í viðtali árið 2018 að hann hefði kynnst henni á tónleikum sínum ári áður.
I’m so happy, finally a keeper. pic.twitter.com/48pp2IBGhs
— Roger Waters (@rogerwaters) October 14, 2021