Leik- og söngkonan Jennifer Lopez fylgdi kærastanum sínum, leikaranum Ben Affleck, á rauða dregilinn þegar kvikmyndin The Last Duel var frumsýnd í New York um helgina. Affleck og Lopez voru límd við hvort annað allt kvöldið.
Bennifer eins og parið er kallað var glæsilegt þegar þau mættu á frumsýninguna. Affleck var í jakkafötum frá Ralph Lauren en Lopez sýndi stælta magavöðvana í pilsi og langerma magabol Hervé Léger.
Affleck skrifaði handritið og leikur í myndinni en það gerir einnig æskuvinur hans Matt Damon. Damon er hæstánægður með að Affleck og Lopez eru byrjuð aftur saman. „Það er frábært. Það er yndislegt,“ sagði Damon í viðtali á vef ET brosandi. „Ég er bara ánægður með að sjá vin minn mjög hamingjusaman.“