Adele spurð út í fjölda rekkjunauta

Söngkonunni Adele brá heldur betur í brún þegar aðdáandi hennar bar upp fremur óvenjulega og persónulega spurningu sem tileinkuð var henni á Instagram um síðastliðna helgi. Adele opnaði fyrir samtal í beinu streymi á Instagram reikningi sínum þar sem hún gaf aðdáendum tækifæri til þess að spyrja sig alls kyns spurninga um væntanlega plötu söngkonunnar.

Flestir höfðu áhuga á að vita nokkuð saklausa hluti um söngkonuna, til dæmis um tilurð plötunnar og hvernig skilnaðurinn hennar við barnsföðurinn, Simon Konecki, hafi fléttast inn í lögin sem munu hljóma á plötunni. En Adele frumflutti eitt lag af plötunni í síðustu viku sem nefnist Easy on Me og fjallar einmitt um skilnaðinn. 

Samkvæmt frétt frá PageSix var þó ein spurning sem Adele fékk og þótti standa upp úr: „Hversu marga líkama hefurðu tekið?“

Þetta hljómar frekar snúin spurning og ekki nema von um að allir skilji hvað raunverulega sé átt við. Adele setti pass á spurninguna því hún sagðist ekki skilja hana. Eftir nánari eftirgrennslan fattaði söngkonan hvað lá á bakvið spurninguna en í raun var verið að spyrja hversu margar hjásvæfur Adele hafi átt í gegnum tíðina. Ákvað Adele að skippa yfir þessa spurningu og fara yfir í þá næstu. 

• Blogga um frétt