Bandaríski trommarinn Joey Jordison er látinn 46 ára að aldri. Jordison var einn af stofnmeðlimum bandarísku þungarokkshljómsveitarinnar Slipknot 1995. BBC greinir frá. Í fréttatilkynningu frá fjölskyldu Jordisons segir að hann hafi kvatt heiminn friðsamlega í svefni.
Ástæða andlátsins er ókunn. Jordison hætti í hljómsveitinni sökum veikinda 2013 en hann þjáðist af mænubólgu sem er náskyld MS-sjúkdómnum. Hljómsveitin kom ávallt fram opinberlega með ógnvænlegar grímur og er sögð hafa rutt braut fyrir nýjar stefnur innan þungarokkssenunnar.