Annarri þraut heimsleikanna í crossfit lauk nú fyrir skömmu. Íslensku keppendurnir stóðu sig vel í þrautinni, Annie Mist hafnaði í sjöunda sæti í þrautinni og situr nú í 10. sæti í heildarkeppninni með 131 stig.
Katrín Tanja Davíðsdóttir varð sautjánda til þess að ljúka þraut númer tvö og situr hún því í fjórtánda sæti með 116 stig. Þuríður Erla Helgadóttir lenti í átjánda sæti í þraut númer tvö og er hún nú í 23. sæti með 81 stig.
Björgvin Karl Guðmundsson varð í 9. sæti í annarri þraut og situr nú í 3. sæti í heildarkeppninni með 161 stig. Einungis níu stigum frá hinum finnska Jonne Koski sem leiðir keppnina.
Þriðja og síðasta þraut dagsins er nýhafin og má fylgjast með stöðu mála hér.