Stjörnuparið Jennifer Lopez og Ben Affleck fær ekki nóg af hvort öðru. Um helgina voru þau stödd á ferðamannastaðnum St. Tropez í Frakklandi þar sem Lopez hélt upp á 52 ára afmælið sitt. Lopez birti myndir frá ferðinni á Instagram, meðal annars af henni að kyssa nýja kærastann.
„Þau eru að njóta í góðri ferð,“ sagði heimildarmaður People. Hann sagði parið hafa haldið upp á afmæli Lopez á skemmtistað. „Hún var gullfalleg og mjög hamingjusöm.“
Lopez og Affleck dvöldu á snekkju um helgina. Auk þess að birta myndir á Instagram birtu erlendir slúðurmiðlar myndir af parinu. Myndirnar þykja minna á myndir sem sáust í myndbandinu Jenny from the Block sem kom út árið 2002 sem teknar voru á snekkju. Þá var parið einnig saman en þau tóku upp þráðinn aftur fyrr á þessu ári eftir margra ára aðskilnað.
Hér fyrir neðan má sjá myndbandið Jenny from the Block sem Ben Affleck lék í.