Leikkonan Clara McGregor, dóttir stórleikarans Ewans McGregors, var bitin í nefið af kjölturakka fyrir mánuði en hún greindi frá því á instagramreikningnum sínum.
Hún hefur hlotið fullan bata og er stödd á tónlistar- og kvikmyndahátíðinni í Ischia á Ítalíu um þessar mundir, Daily Mail greinir frá. Myndir náðust af hinni 25 ára McGregor þegar hún stakk sér til sunds á hótelinu sem hún dvelur á meðan hátíðin stendur yfir.
Leikkonan klæddist svörtum sundbol með djúpri hálslínu sem sýndi örlitla brjóstaskoru. Sniðið á sundbolnum náði hærra upp á mittið en það sem tíðkast í sundbolatískunni sem gerir það að verkum að leggirnir fá að njóta sín betur.