Samband Lopez og Affleck opinberað á Instagram
Setja bókamerki
Söng- og leikkonan Jennifer Lopez og leikarinn Ben Affleck mættu saman í afmælisveislu í Hollywood á dögunum. Afmælisbarnið, Leah Remini, birti mynd af sér með parinu á instagramsíðu sinni og sambandið því orðið opinbert á samfélagsmiðlum.
Remini, sem er góð vinkona Lopez, bauð til heljarinnar garðveislu þar sem hún fagnaði fimmtugsafmælinu sínu. Þetta er í fyrsta sinn, eftir að parið tók saman á ný, að mynd af þeim saman birtist á samfélagsmiðli með þeirra samþykki og vitund.
Remini er með þeim á myndinni og horfir hún ásamt Lopez kröftuglega inn í linsuna. Affleck virðist hins vegar ekki vita hvar myndavélin er.
Remini er þekktust fyrir leik sinn í gamanþáttunum King of Queens sem voru vinsælir um síðustu aldamót. „Hér læt ég fylgja stutt myndskeið af æðislegum myndum úr afmælinu mínu sem mig langar að deila með ykkur. Ég fékk svo mikla ást frá vinum og ættingjum á þessum yndislega degi sem og alla daga,“ skrifaði Remini við færsluna.
„Hvílir mikil leynd yfir þessu öllu“
„Það þarf að vinna mikinn fjölda upp“
Árshátíð ríkislögreglustjóra haldin í Tékklandi
Tveir í bílnum sem lenti utan vegar
Eyjafjarðarbraut lokað vegna alvarlegs umferðarslyss
Handtekin eftir að tvö börn fundust látin
Tóku upp hanskann fyrir leikskólabörn