NYT gerir heimildarmynd um Britney Spears
Setja bókamerki
Heimildarmynd um tónlistarkonuna Britney Spears er í bígerð hjá New York Times. Í myndinni verður lögráðamannsmál hennar skoðað og samfélagsmiðlahreyfingin #FreeBritney.
Stikla fyrir Framing Britney Spears kom út í dag en ráðgert er að myndin verði aðgengileg á streymisveitunni Hulu 5. febrúar næstkomandi.
Faðir Britney, Jamie Spears, hefur verið lögráðamaður hennar í 12 ár vegna andlegra veikinda hennar. Í nóvember var ósk hennar synjað fyrir dómstólum um að hann yrði ekki aftur gerður lögráðamaður hennar, en hann hafði stigið tímabundið til hliðar vegna veikinda ári áður.
Í heimildarmyndinni verður mál Britney fyrir dómstólum skoðað í þaula auk þess sem kenningar um andlega heilsu hennar og getu verða skoðaðar.
#FreeBritney-hreyfingin verður einnig skoðuð en aðdáendur Britney halda því fram að henni sé haldið gegn vilja sínum.
Sex hafa greinst með listeríu
Tveir í bílnum sem lenti utan vegar
Gígbarmurinn hækkað frá því í gær
Krefjast stöðvunar framkvæmda
Eyjafjarðarbraut lokað vegna alvarlegs umferðarslyss
Væri að ljúga ef ég segðist ekki stressaður
Skiptir miklu meira máli en fólk grunar
„Hvílir mikil leynd yfir þessu öllu“