Leikkonan Lake Bell og húðflúrarinn Scott Campbell tilkynntu skilnað sinn í gær. Bell og Campbell hafa verið saman í níu ár og gift í sjö.
Þau eiga tvö börn saman, dótturina Nova sex ára og soninn Ozgood þriggja ára.
„Níu ár saman, sjö ár í hjónabandi, tvö yndisleg börn, óteljandi mílur, endalaus hlátursköst, ég gæti ekki verið stoltari. Núna höfum við ákveðið að binda enda á hjónaband okkar og færa ástina og vináttuna sem við höfum alltaf átt yfir í nýjan kafla. Við finnum allar tilfinningarnar,“ skrifaði Campbell í tilkynningu sinni á Instagram.
Parið kynntist við tökur á þáttunum How to Make It in America árið 2011 og trúlofaði sig árið 2012. Þau gengu í það heilaga í New Orleans í Louisianaríki árið 2013.