Þýski teknórisinn Scooter heimsækir Ísland aftur í apríl 2021 þegar sveitin heldur risatónleika í Laugardalshöll. Liðsmenn Scooter eru orðnir sannkallaðir Íslandsvinir, en sveitin kom síðast til landsins haustið 2019 og hélt tónleika fyrir fullri Laugardalshöll.
Tónleikarnir fara fram í Laugardalshöll miðvikudagskvöldið 21. apríl 2021.
Scooter munu þó ekki sjá einir um skemmtunina, að því er segir í tilkynningu frá TWE Live, því gestir kvöldsins verða risasveitin GusGus sem mun hita áhorfendur upp, ásamt raftónlistartvíeykinu ClubDub og DJ Margeiri.
Almenn miðasala hefst á hádegi á Tix.is föstudaginn 3. júlí, en forsala fyrir áskrifendur póstlista Tix.is verður fimmtudaginn 2. júlí.