Leikarinn og skemmtikrafturinn Carl Reiner er fallinn frá 98 ára að aldri. Reiner var hvað þekktastur fyrir að koma að gerð The Dick Van Dyke Show og lék í kvikmyndum á borð við Ocean's Eleven. BBC greinir frá.
Auk þess að leika á hvíta tjaldinu leikstýrði hann nokkrum kvikmyndum, þar á meðal The Jerk og All of me.
Reiner lést af náttúrulegum orsökum á heimili sínu í Beverly Hills í gær að sögn aðstoðarkonu hans, Judy Nagy.
Hann lætur eftir sig þrjú uppkomin börn, þau Annie, Lucas og leikstjórann og leikarann Rob.
Fjöldi stjarna hefur minnst Reiners í dag og vottað fjölskyldu hans samúð, þar á meðal leikarinn William Shatner.
Condolences to the family of Carl Reiner. From the writers room of Sid Caesar to recreating those times for the Dick Van Dyke show, Carl was a master at his craft. I knew him only peripherally but it was a pleasure to have known him.😞
— William Shatner (@WilliamShatner) June 30, 2020