Eugenie prinsessa birti mynd af öri á bakinu á sér á samfélagsmiðlum í tilefni af alþjóðlegum degi þar sem vakin er athygli á hryggskekkju. Hvetur hún aðra til þess að deila með sér myndum af örum sem hún mun svo endurbirta á Instagram.
Örið ber hún með stolti en það er tilkomið eftir skurðaðgerð vegna mikillar hryggskekkju þegar hún var tólf ára gömul.
„Ég vil hvetja alla þarna úti sem hafa gengið í gegnum eitthvað svipað að deila því með mér. Verum stolt af örum okkar!“
Þetta er ekki í fyrsta sinn sem prinsessan vekur athygli á hryggskekkju en hún valdi að hafa brúðarkjól sinn opinn í bakið til að sýna örið og vildi þannig leggja sitt lóð á vogarskálarnar til þess að breyta viðhorfi fólks til fegurðar.
Eugenie prinsessa starfar hjá alþjóðlega listagalleríinu Hauser & Wirth.
View this post on InstagramA post shared by Princess Eugenie (@princesseugenie) on Jun 27, 2020 at 12:57pm PDT