Leikarinn Leonardo DiCaprio hefur eytt miklum tíma síðustu mánuði með kærustu sinni Camilu Morrone. Samkvæmt heimildarmönnum eru þau orðin mjög náin og alvara að færast í sambandið.
Parið fagnaði 23 ára afmæli Morrone saman á snekkju í síðustu viku.
„Hann er vanalega mjög sjálfstæður og eyðir miklum tíma með vinum sínum. En vegna útgöngubannsins þá hefur hann aðallega eytt tíma sínum með Camilu. Hann elskar að vera með henni,“ sagði heimildarmaður People.
DiCaprio og Morrone sáust fyrst saman í desember 2017. Mikill aldursmunur er á parinu en DiCaprio er 22 árum eldri en hún.
„Þau eru mjög náin. Leo hefur eytt öllum sólarhringnum með Camilu síðustu mánuði heima hjá sér,“ sagði heimildarmaðurinn og bætti við að honum væri alvara með Morrone.