Samband bræðranna Harry og Vilhjálms Bretaprinsa er í brennidepli nýrrar bókar sem kemur út í haust. Bókin Battle of Brohers: William and Harry - the Friendship the Feuds mun fjalla um hið einstaka og flókna samband sem bræðurnir eiga. 

Höfundur bókarinnar er Robert Lacey, ævisöguritari og ráðgjafi handritshöfunda þáttanna The Crown. Áætlað er að bókin komi út í október næstkomandi.

Bókin mun varpa ljósi á samband bræðranna í sögulegu samhengi og útskýra hvernig sambönd „ríkisarftakans“ og „aukabarnsins“ hafa verið í gegnum söguna. 

Um bókina segir á vef Amazon: „Heimurinn hefur fylgst með Vilhjálmi Bretaprinsi og Harry Bretaprinsi frá því þeir fæddust. Díana prinsessa ól þá upp sem nána bræður, hvernig hafa prinsarnir nú vaxið í sundur?“

Því er einnig lofað að bókin muni varpa ljósi á hvernig eiginkonur bræðranna, Katrín hertogaynja og Meghan hertogaynja, höfðu áhrif á samband þeirra auk þess sem ljósi verður varpað á af hverju Harry og Meghan ákváðu að segja sig frá konunglegum skyldum sínum og flytja til Los Angeles með son sinn Archie. 

Skjáskot

Tengdar fréttir

Kóngafólk í fjölmiðlum

Í fyrstu heimsókn eftir krabbameinsgreiningu Katrínar

• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi

» Fleiri tengdar fréttir

• Blogga um frétt