Konur þáttarins eru báðar frumkvöðlar og uppfinningakonur. Mary Phelps Jacob var fyrst allra til að fá einkaleyfi á brjóstahaldarnum eins og við þekkjum hann í dag eftir að hafa fengið nóg af korselettum sem gerðu henni lífið leitt. Ada Lovelace skrifaði fyrsta vísinn að forritunarmáli löngu áður en tölvur voru einu sinni hugmynd í höfðum fremstu vísindamanna.
Þann 2. nóvember verður þátturinn tekinn upp beint á Kynjaþingi í Norræna húsinu, frá klukkan 14 til 15 í Aino Alto-salnum.