Ástralski leikarinn Liam Hemsworth virðist vera kominn yfir fyrrverandi eiginkonu sína Miley Cyrus, en hann sást á veitingastað með annarri konu nú í vikunni.
Hemsworth og Cyrus tilkynntu um skilnað sinn snemma í ágúst eftir aðeins 8 mánaða hjónaband. Cyrus hefur verið fljótari að komast yfir hjónabandið en Hemsworth en hún átti í 5 vikna ástarsambandi við fyrirsætuna Kaitlynn Carter. Nú er hún komin í samband með tónlistarmanninum Cody Simpson.
Hemsworth sást halda í hönd leikkonunnar Maddison Brown í New York-borg í vikunni og snæddu þau saman á veitingastað.