Kvikmyndin Hvítur, hvítur dagur eftir Hlyn Pálmason er framlag Íslands til Óskarsverðlaunanna á næsta ári. Hlynur hefur fengið mikið lof fyrir myndina sem og leikarinn Ingvar E. Sigurðsson fyrir túlkun sína á ekklinum Ingimundi.
Í myndskeiðinu hér að ofan fara þeir Hlynur og Ingvar yfir samstarfið og segja meðal annars frá því hvernig þeir kynntust en Hlynur einfaldlega hringdi í Ingvar.
Ingvar segist hafa verið í útlöndum þegar hann fékk símtalið og hélt í fyrstu að Hlynur væri einhver fáviti sem væri að biðja hann um að leika í skólamynd. Hann bað þó Hlyn um að senda sér handritið en myndin var útskriftarverkefni Hlyns. Ingvari leist svo vel á að ekki var aftur snúið.