Kryddpían Mel B greindi frá því á Instagram að hún hefði ekki bara brotið tvö rifbein heldur líka meitt sig svo mikið á hendi að hún þurfti að fara í þriggja tíma aðgerð. Söngkonan vildi hins vegar ekki tjá sig nákvæmlega um það sem kom fyrir.
Samkvæmt ET gisti Mel B hjá vini í London um helgina en þegar hún vaknaði og ætlaði niður datt hún niður stiga. Vinur hennar fór með hana á spítala þar sem læknar sögðu hana þurfa að fara í aðgerð.
Áður hafði talsmaður Mel B greint frá því að hvorki áfengi né önnur vímuefni hefðu átt þátt í óhappi söngkonunnar. Mel B átti að fljúga til Los Angeles á sunnudaginn og í gær átti hún að árita ævisögu sína í New York en ekkert varð úr því.
Söngkonan á góða að en kryddpíurnar Geri, Mel C og Emma heimsóttu hana á spítalann.
View this post on InstagramA post shared by Scary Spice Mel b (@officialmelb) on Dec 10, 2018 at 5:39am PST
View this post on InstagramA post shared by Scary Spice Mel b (@officialmelb) on Dec 10, 2018 at 12:29am PST