Á nýrri plötu sinni, Queen, rappar Nicki Minaj meðal annars um að stunda kynlíf með kollegum sínum í rappinu. Lagið ber nafnið Barbie Dreams og er af gamla skólanum þar sem hún gerir grín að öllum þeim röppurum og einum fótboltamanni sem hafa reynt að sofa hjá henni í gegnum tíðina. Eminem, Drake, Meek Mill, Dj Khaleed, 50 Cent, Desiigner, Lil Uzi Vert, Young Thug, YG and The Game, 6in9ine og Odell Beckham verða fyrir barðinu á Minaj í laginu.
Minaj hefur fengið bæði jákvæða og neikvæða gagnrýni fyrir lagið. Stuttu eftir að platan kom út sagði hún „Að lesa gagnrýnina á Barbie Dream er „fucking“ kostulegt. Allir segja að lagið sé virðingarlaust og þess vegna elska ég það.“
Hugmyndina að laginu fékk Minaj frá The Notorious B.I.G. en árið 1994 gaf hann út lagið „Dreams“ þar sem hann rappar um að sofa hjá R&B- og poppstjörnum.