Leikkonan Brigitte Nielsen hefur eignast sitt fimmta barn, 54 ára að aldri. Lítil stúlka kom í heiminn á föstudag en fyrir átti Nielsen fjóra syni.
Hún og eiginmaður hennar, Mattia Dessi, hafa nefnt stúlkuna Fridu. „Við erum mjög glöð að bjóða fallegu dóttur okkar inn í líf okkar,“ sögðu foreldrarnir í samtali við People.
Nielsen, sem er m.a. þekkt fyrir hlutverk sitt í kvikmyndunum Red Sonja og Beverly Hills Cop II, hefur verið gift fimm sinnum. Elsti sonur hennar er 34 ára og sá yngsti 23. Hún sagði frá óléttu sinni á Instagram í maí.
Nielsen giftist hinum 39 ára gamla Dessi árið 2006.
family getting larger ❤️ #me #family #brigittenielsen #babybump
A post shared by Brigitte Nielsen (@realbrigittenielsen) on May 27, 2018 at 1:03pm PDT