Knattspyrnuhetjan Lionel Messi á von á sínu þriðja barni með eiginkonu sinni Antonellu Roccuzzo. Barnið er enn ekki fætt en svo virðist sem búið sé að nefna barnið.
Hello greindi frá því að Messi hafi birt myndband af ófæddu barni sparka í kvið móður sinnar. „Baby Ciro,“ skrifaði Messi við myndbandið en gefur það til kynna að barnið muni bera nafnið Ciro.
Fyrir eiga hjónin synina Thiago, fimm ára, og Mateo, tveggja ára en þau Messi og Roccuzzo gengu í hjónaband í júní í fyrra.