Eins og allir góðir atvinnurekendur gefur Elísabet Englandsdrottning starfsfólki sínu jólagjöf. Um 1.500 manns vinna fyrir drottninguna og var jólagjöfin hófleg.
Allt starfsfólkið fékk jólabúðing og ekki í fyrsta skipti. Starfsfólk bresku krúnunnar hefur fengið jólabúðing síðan afi hennar Georg fimmti var kóngur.
Drottningin passar vel upp á að eyða ekki of miklu og kom búðingurinn í ár frá lágvöruversluninni Tesco en áður hefur hann komið frá lúxusbúðum á borð við Fortnum & Mason eða Harrods.