Leikkonan Halle Berry er sögð hætt með kærastanum Alex Da Kid en parið tilkynnti um samband sitt með væminni mynd á Instagram í september.
Samkvæmt Us Weekly staðfestir heimildamaður fréttirnar en Da Kid sást út að borða með dökkhærðri dömu á dögunum. Berry og Da Kid virtust vera afar hamingjusöm þegar þau tilkynntu um samband sitt og sáust þau meðal annars úti að skemmta sér á hrekkjavökunni í lok október.
Berry hefur verið gift þrisvar sinnum síðan 1993 og á svo elsta barn sitt með fjórða manninum. Ef marka má nýjustu fréttir er alls óvíst hvort Berry fari ástfangin inn í nýja árið.