Poppstjarnan Madonna átti 59 ára afmæli fyrr í vikunni og ákvað að halda upp á áfangann með stæl.
Madonna mætti í afmælisveislu sína, sem haldin var á strendum Ítalíu, á hvítum hesti en það var sígaunaþema í afmælinu. E Online greinir frá þessu.
Í veislunni klæddist Madonna grænu silkipilsi, netasokkabuxum og fullt af skartgripum að hætti sígauna en hún var dugleg að birta myndum á Instagram-síðu sína frá veislunni.
Daginn eftir veisluna birti hún síðan mynd af sér fyrir framan altari þar sem hún sagðist þurfa að játa eitt - hún væri svolítið þunn.
Á meðal gesta afmælisins voru fjögurra ára tvíburadætur hennar Stella og Esther sem virtust einnig skemmta sér konunglega.
Hér eru myndir og myndbönd frá afmælisveislunni en nú er bara að bíða og sjá hvernig hún heldur upp á sextugsafmælið á næsta ári.
A post shared by Madonna (@madonna) on Aug 16, 2017 at 6:28pm PDT