Vinir og ættingjar söngvarans Chris Cornell fjölmenntu í útför hans í Los Angeles í gær. Meðal viðstaddra voru leikararnir Brad Pitt, Christian Bale og Josh Brolin og söngvararnir Pharrell Williams og Courtney Love.
Fjölmargir aðdáendur söngvarans söfnuðust saman fyrir utan kirkjugarðinn á meðan athöfnin fór fram og vottuðu Cornell með þeim hætti virðingu sína.
Cornell svipti sig lífi fyrr í þessum mánuði. Hann hafði glímt við áfengis- og eiturlyfjafíkn stóran hluta af ferli sínum sem og alvarlegt þunglyndi.
Félagar Cornells fluttu útfararræður. Þá var lag Leonards Cohens, Hallelujah, flutt.